Sumqayıtla Saray qəsəbəsini birləşdirən körpüdə bir sıra problemlər var.
Sakinlərin Sumqayıt24-ə təqdim etdiyi məlumata görə, “Saray körpüsü” uzun müddətdir ki, qəzalı vəziyyətdədir. Yolun hərəkət hissəsində bir neçə iri çat mövcuddur. Həmçinin avtomobil körpüsündə piyadalar üçün nəzərdə tutulmuş səki həddindən artıq dardır.
“Həm sürücülər, həm piyadalar üçün təhlükə yaranır. Bir nəfər oradan güclə keçir. Qarşına digər piyada çıxdıqda isə məcburən səkidən düşüb yolnan getməli olursan. Bir müddət əvvəl burada qazıntı işləri aparılıb, borular quraşdırılıb. Əlavə yük səbəbindən körpüdəki çatlar arta bilər”, - deyə şikayətçilər bildiriblər.
