Sumqayıt şəhəri ilə Saray qəsəbəsini birləşdirən körpünün tikinti işləri sürətlə davam etdirilir.
Sumqayit24.az xəbər verir ki, bu barədə Azərbaycan Avtomobil Yolları Dövlət Agentliyi (AAYDA) məlumat yayıb.
Körpünün əhəmiyyəti nəzərə alınaraq tikinti prosesi ətrafda yaşayan vətəndaşların istirahətinə maneə yaradılmadan gündüz və sutkanın qaranlıq saatlarında aparılır.
Yeni körpü 3 aşırımdan ibarət olmaqla uzunluğu 104 metr təşkil edəcək. Ümumi eni 21.6 m təşkil edən körpü 4 hərəkət zolaqlı olmaqla inşa olunur. Körpünün sağ və sol hissələrində 2 metr enində piyada səkilərinin tikintisi də nəzərdə tutulub.
Qeyd edək ki, Prezident yeni körpünün tikintisi üçün 9 milyon 960 min manat vəsait ayırıb.
