Saray qəsəbəsində həyətyanı sahədə qazıntı apararkən hərbi sursatlar tapılıb.
Sumqayit24.az Fövqəladə Hallar Nazirliyinə (FHN) istinadən xəbər verir ki, əraziyə Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu cəlb olunub.
Hüquq-mühafizə orqanı əməkdaşları ilə birgə təhlükəsizlik tədbirləri görülüb. Sonra hadisə yerinə baxış zamanı aşkarlanmış sursatların 16 ədəd F-1 və 1 ədəd RQ-42 əl qumbarası, 16 ədəd UZRQM-2 partladıcısı olduğu müəyyən edilib.
Sursatlar zərərsizləşdirilməsi üçün ərazidən kənarlaşdırılıb. Hadisə yerində və ona yaxın yerdə başqa təhlükəli və ya şübhəli əşya aşkar edilməyib.
