Sarayda məktəbli qızı avtomobillə vurub hadisə yerindən qacan sürücü saxlanılıb. Sumqayıt24 bu barədə 10 yanvar tarixində Daxili İşlər Nazirliyinin Mətbuat Xidmətinə istinadən məlumat verir.
Qəza yanvarın 7-si saat 19:30 radələrində baş verib. Hadisə zamanı naməlum sürücü idarə etdiyi “Mercedes” markalı avtomobillə əvvəlcə kişi piyadanı, daha sonra isə yetkinlik yaşına çatmayan bir qızı vurub. Xəsarət alan birinci piyada xəstəxayana yerləşdirilib, amma yetkinlik yaşına çatmayan şəxs aldığı xəsarətlər nəticəsində hadisə yerində dünyasını dəyişib. Sürücü qəzadan sonra piyadalara heç bir köməklik etmədən hadisə yerindən uzaqlaşıb.
Saray Polis Bölməsinin əməkdaşları əməliyyat-axtarış tədbiri keçiriblər. Nəticədə qəzanı törətməkdə şübhəli bilinən Qafarxan Qafarov tutularaq istintaqa təqdim edilib.
Faktla bağlı araşdırmalar davam etdirilir.
[modula id="30056"]
