Sumqayıtda sərnişin avtobuslarının birinin fəaliyyətində nasazlıq yaranıb.
Bu barədə Sumqayit24.az-a Sumqayıt-Yeni Yaşma istiqamətində hərəkət edən 26 nömrəli sərnişin avtobusundan istifadə edən vətəndaşlar məlumat veriblər.
Onların sözlərinə görə, avtobus hərəkətdə olarkən arxa təkəri zədələnərək yerindən çıxıb. Nəticədə sərnişinlər avtobusdan düşürülüb.
Bundan əlavə, vətəndaşlar sözügedən istiqamətdə hərəkət edən avtobusların sayının az olduğunu bildiriblər. Onların sözlərinə görə, bu da həmin marşrutdan istifadə edən sərnişinlər üçün çətinlik yaradır.
Sakinlər yaranan problemin təkrarlanmaması üçün avtobusların texniki vəziyyətinə nəzarətin gücləndirilməsini, həmçinin marşrut üzrə avtobus sayının artırılmasını istəyirlər.
