Sumqayıtda satışa çıxarılan kirayə mənzillərin sayı artırılıb. Bu haqda 11 yanvar tarixində İpoteka və Kredit Zəmanət Fonduna (İKZF) istinadən xəbər veririk.
Satmaq öhdəliyi ilə kirayə mənzil fonduna daha 208 tam təmirli mənzil əlavə edilib. Həmçinin vətəndaşlara Sülh küçəsində yerləşən yaşayış kompleksi üzrə 61 mənzil (2 və 3 otaqlı), Bulvar küçəsində isə 147 mənzil ( 2, 3 və 4 otaqlı) təklif olunur. Aylıq ödənişlər 376 manatdan başlayır.
Yeni mənzillər Elektron ipoteka və kredit zəmanət sistemi (EİKZS) üzərindən seçim üçün 18 yanvar tarixindən açıq olacaq. Mənzillərin siyahısı ilə bu keçid vasitəsilə tanış olmaq olar.
