20 Yanvar faciəsinin 35-ci ildönümü münasibətilə Sumqayıt Dövlət Universitetində (SDU) tədbir keçirilib.
Sumqayit24.az xəbər verir ki, tədbir iştirakçıları əvvəlcə universitetin həyətində məzun şəhidlərin xatirəsinə ucaldılmış abidənin önünə güllər düzüblər. Sonra iştirakçılar universitetin foyesində qurulan fotosərgiyə baxış keçiriblər. Akt zalında davam edən tədbirdə şəhidlərimizin əziz xatirəsi bir dəqiqəlik sükutla yad olunub.
Rektor Rüfət Əzizov faciənin mahiyyəti və onu doğuran səbəblər barədə çıxış edib. 20 Yanvar faciəsindən bəhs edən videoçarx nümayiş olunub. Sonda çıxış edənlər Qanlı Yanvar hadisələrinə gətirib çıxaran proseslərdən və xalqın qəhrəmanlığından söz açıblar.
