Sumqayıt Dövlət Universitetinin (SDU) İqtisadiyyat və idarəetmə fakültəsinə yeni dekan təyin olunub.
Sumqayit24.az xəbər verir ki, bu vəzifə Loğman Abdullayeva həvalə olunub. O, ali təhsilli iqtisadçı-riyaziyyatçı olmaqla yanaşı, uzun illər tədris və elmi-tədqiqat sahəsində zəngin təcrübəyə malikdir.
Loğman Abdullayev 18 noyabr 1972-ci ildə Sumqayıt şəhərində müəllim ailəsində anadan olub. 1990-1995-ci illərdə Azərbaycan Dövlət İqtisad Universitetində iqtisadi kibernetika ixtisası üzrə ali təhsil alaraq iqtisadçı-riyaziyyatçı ixtisasına yiyələnib.
Abdullayev beynəlxalq təcrübə proqramlarında iştirak edib. O, 2018-ci ildə Vyana Tətbiqi Elmlər Universitetində (Avstriya) və Valensiya Politexnik Universitetində (İspaniya) təlimlərdə və beynəlxalq konfranslarda iştirak edib, 2019-cu ildə Sankt-Peterburq Dövlət İqtisad Universitetində ixtisasartırma kursunu uğurla başa vurub. 2024-cü ilin oktyabr ayında London Maliyyə Menecerləri İnstitutunun (İCFM) təlimlərini uğurla keçərək beynəlxalq diplom əldə edib.
O, 2 dərs vəsaiti, 1 monoqrafiya, 1 metodiki göstəriş, 16 fənn proqramı, 68 məqalə və tezisin müəllifidir. Loğman Abdullayev həmçinin beynəlxalq sertifikatlara malikdir və maliyyə uçotu sahəsində təlimlər aparır.
