Sumqayıt Dövlət Universitetində (SDU) yeni təyinat baş tutub.
Sumqayit24.az xəbər verir ki, Kitabxana və İnformasiya Mərkəzinə direktor təyin olunub. Bu vəzifə Leyla Allahverdiyevaya həvalə edilib.
Leyla Allahverdiyeva 2010-cu ildə Azərbaycan Dillər Universitetinin Filologiya fakültəsini bitirib və ADA Universitetində Təhsilin İdarə olunması üzrə magistr dərəcəsi alıb.
2013-cü ildən ADA Universitetində müxtəlif vəzifələrdə fəaliyyət göstərib.
2023-cü ildə Erasmus+ Staff Mobility Program çərçivəsində Kadir Has Universitetində kitabxana idarəçiliyinin təşkili ilə yaxından tanış olub və Antalyada keçirilən “Rethinking University Libraries in the 100th Anniversary of the Republic of Türkiye” beynəlxalq konfransında iştirak edib.
