İndoneziyanın Negeri Surabaya Dövlət Universitetinin nümayəndələrinin Sumqayıt Dövlət Universitetinə (SDU) səfəri baş tutub.
Sumqayıt24 xəbər verir ki, tədbiri Elm və innovasiyalar üzrə prorektor Elşad Abdullayev açaraq qonaqlara universitetin tarixi, strukturu, elmi-tədqiqat fəaliyyətləri və məqsədləri barədə məlumat verib.
Görüşdə iki universitet arasında elmi-tədqiqat, magistratura və doktorantura tələbələrinə rəhbərlik, müəllim və tələbə mobilliyi və digər sahələr üzrə əməkdaşlıq imkanları müzakirə olunub.
Sonda qonaqlar universitetin kampusu ilə tanış olublar.
