“Quacquarelli Symonds” (“QS”) Reytinq Agentliyinin Şərqi Avropa və Orta Asiya üzrə regional direktoru Sergey Xristolyubovun Sumqayıt Dövlət Universitetinə (SDU) səfəri baş tutub.
Sumqayıt24.az xəbər verir ki, SDU-nun rektoru Rüfət Əzizov qonağa son bir il ərzində universitetin həyatında baş verən yeniliklər barədə ətraflı məlumat verib. Sergey Xristolyubov öz növbəsində “QS Stars” proqramı, iştirak şərtləri və metodologiyası haqqında fikir mübadiləsi aparılıb.
Görüşün sonunda rektor Rüfət Əzizov və regional direktor Sergey Xristolyubov SDU ilə “QS” arasında əməkdaşlığa dair müqavilə imzalayıb.
