Sumqayıt Dövlət Universitetində (SDU) Kimya və texnologiya fakültəsinin Elektrokimyəvi istehsalın texnologiyaları ixtisası üzrə 313 qrup məzunlarının təşəbbüsü ilə 40 ildən sonra yenidən görüş təşkil edilib.
Sumqayit24.az xəbər verir ki, görüş çərçivəsində iştirakçılar 40 il öncə təhsil aldıqları auditoriyada yenidən parta arxasında əyləşərək, tələbəlik dövrünün qayğısız günlərinə, dostluq və sevgi dolu anlarına səyahət ediblər. Daha sonra iştirakçılara son illərdə universitetin qazandığı nailiyyətlərdən danışıblar. Görüşün sonunda xatirə fotosu çəkdirilib.
