SDU-nun çoxsaylı professor-müəllim heyəti və əməkdaşları müxtəlif ali mükafatlara layiq görülüblər. Sumqayıt24 bu barədə 5 dekabr tarixində təhsil müəssisəsinə istinadən xəbər verir.
Universitetin 60 illik yubileyi münasibətilə icra başçısı Zakir Fərəcovun müvafiq sərancamı ilə bir qrup əməkdaş təltif edilib. Tədbirdə rektor, professor Elxan Hüseynov çıxış edərək qonaqları və iştirakçıları salamlayıb, son illərdə universitetdə aparılan islahatlardan, həyata keçirilən layihələrdən danışıb və təltif olunan əməkdaşlara işlərində uğurlar arzulayıb. Daha sonra icra başçısı fəxri fərmanları öz sahiblərinə təqdim edib. Təltif olunan əməkdaşlar da iş fəaliyyətlərinin qiymətləndirilməsində göstərilən etimada görə təşəkkürlərini ifadə etdilər.
