Sumqayıt Dövlət Universitetinin Dünya iqtisadiyyatı və marketinq kafedrasının professoru Şəfa Əliyev məsuliyyətə cəlb edilib. Sumqayıt24 bu haqda 12 iyul tarixində xəbər verir.
Ali Attestasiya Komissiyasının İqtisad elmləri üzrə Ekspert şurasının üzvü – elmi katibi olan Şəfa Əliyevin qanunsuz əməlləri ifşa olunub. Şəfa Əliyevin işlədiyi qurumda vəzifə səlahiyyətlərindən yararlanaraq müxtəlif şəxslərdən pul alıb, əvəzinə isə onlara elmi dərəcələr verməsinə əsaslı şübhələr yaranıb.
Professor barəsində ev dustaqlığı və vəzifədən kənarlaşdırma qətimkan tədbirləri seçilib.
