“Gənclərin Maarifləndirilməsinə Dəstək” İB-nin nümayəndələri Sumqayıt Dövlət Universitetinin tələbələri ilə görüşüblər. Bu barədə 3 dekabr tarixində Sumqayıt24 xəbər verir.
Sosial məsələlər və ictimaiyyətlə əlaqələr üzrə prorektor dosent Elmar Xəlilov, GMD-nin baş katibi Aynurə Salmanlı çıxış edərək gənclərlə işin dövlət siyasətinin prioriteti və mühüm tərkib hissəsi olduğunu vurğulayıblar. Həmçinin “Gənclərin Maarifləndirilməsinə Dəstək” İB-nin fəaliyyət istiqaməti, layihələri və birliyə qoşulmağın yollarından bəhs edilib.
Tədbirdə interaktiv müzakirələr aparılıb və tələbələrin sualları cavablandırılıb.
