Sumqayıtda fəaliyyət göstərən avtobuslardan biri ilə bağlı şikayət var.
Bu barədə Sumqayit24.az-a 33 nömrəli sərnişin avtobusundan istifadə edən sakinlər məlumat veriblər.
Vətəndaşların sözlərinə görə, avtobuslar vaxtında gəlmir. Gələndə də ağzına kimi dolur və sıxlıq yaranır.
Onlar bildirirlər ki, sıxlıq səbəbindən avtobusda hərəkət etmək çətinləşir, digər dayanacaqlarda isə sərnişinlərin minib-düşməsi problemə çevrilir.
"Avtobus vaxtında gəlmir, gələndə də belə dolu gəlir. O qədər sıxlıq idi ki, bir xanım narahat oldu, ürəyi getdi", - deyə vətəndaş bildirib.
Sakinlər aidiyyəti qurumlardan 33 nömrəli marşrut üzrə avtobusların sayının artırılmasını tələb edirlər.
