Sumqayıt Dövlət Universitetinin (SDU) tələbəsi olimpiada qalibi olub.
Sumqayit24.az xəbər verir ki, Gənclər və İdman Nazirliyi, Dünya Robot Olimpiadası Assosiasiyası və Azərbaycan Robototexnika və Mühəndislik Akademiyasının (AREA) birgə təşkilatçılığı ilə VII Robot Olimpiadasının bağlanış mərasimi keçirilib.
Tədbirdə olimpiadanın hakimləri və yarışın təşkilində iştirak edən könüllülər Ümumdünya Robot Olimpiadasının Azərbaycan üzrə rəhbəri Kənan Kərimov tərəfindən mükafatlandırılıblar.
Gənclər və idman nazirinin müşaviri Ramin Cabbarov və layihə rəhbəri Kənan Kərimov olimpiadada müxtəlif nominasiyalar üzrə qalib gələn komandaların üzvlərinə diplom və medalları təqdim ediblər.
Qeyd edək ki, SDU-nun Mühəndislik fakültəsinin III kurs tələbəsi Amin Nəcəfli VII Respublika Robot Olimpiadasında “Robomission Senior” kateqoriyası üzrə I yerə çıxaraq qızıl medala layiq görülüb. O, təhsil ocağının İnnovasiya Yaradıclıq Mərkəzinin müdiri professor Cavanşir Məmmədovun rəhbərliyi ilə yay ayları ərzində olimpiadaya hazırlaşırdı.
Amin Nəcəfli ölkəmizi noyabrın 28-30-da İzmirdə (Türkiyə) keçiriləcək Dünya Robot Olimpiadasında təmsil edəcək.
