Sumqayıt Dövlət Universiteti və SOCAR nümayəndələri arasında görüş təşkil olunub. Sumqayıt24 bu barədə 28 oktyabr tarixində sdu.edu.az-a istinadən xəbər verir.
Yığıncaq SOCAR-ın Baş Ofisinin inzibati binasında baş tutub. Görüş zamanı SOCAR-ın ödənişli və ödənişsiz istehsalat təcrübə proqramları barədə məlumat verilib, SDU laboratoriyalarının müasir qurğularla təchiz edilməsi məsələsi müzakirə olunub.
Burada, həmçinin SDU-nun gələcək prioritet layihələri, o cümlədən yaxın zamanlarda açılışı nəzərdə tutulan “İnnovasiya Yaradıcılıq Mərkəzi” haqqında danışılıb, qarşılıqlı maraq doğuran digər məsələlər ətrafında fikir mübadiləsi aparılıb.
