Asiya İnfrastruktur və İnvestisiya Bankı (AİİB) Sumqayıtda Xəzər dənizinin suyunun duzsuzlaşdırılması layihəsinə kredit ayrılmasını təsdiqləyib.
Sumqayit24.az bu barədə AİİB-ə istinadən xəbər verir. Məlumata görə, maliyyələşdirmənin məbləği 45 milyon ABŞ dollarıdır.
Azərbaycan Xəzər Dənizi Duzsuzlaşdırma Layihəsi ("Layihə") Xəzər dənizinin suyundan təmizlənmiş su istehsal edən və təxminən 300.000 m³/gün məhsuldarlığa malik duzsuzlaşdırma zavodunun hazırlanmasını, tikintisini və istismarını nəzərdə tutur. Zavod Xəzər dənizinin sahilində, Sumqayıt şəhərinin sənaye zonasında yerləşəcək. Layihə Azərbaycanın ilk iri miqyaslı SWRO duzsuzlaşdırma zavodu və su sektorunda həyata keçirilən ilk dövlət-özəl tərəfdaşlığı (PPP) layihəsi olacaq.
PPP Sazişi (PPPA) Sponsor - ACWA Power və suyun alıcısı - Azərbaycan Dövlət Su Ehtiyatları Agentliyi (ADSEA) arasında layihənin planlaşdırılan kommersiya istismarına başlama tarixindən etibarən 25 illik müddət üçün imzalanıb. Maliyyə Nazirliyi istismar dövründə ödəniş öhdəlikləri üzrə təminat mexanizmini təmin edir. Hazırda ACWA Power Layihənin yeganə sponsorudur. Caspian Sea Azerbaijan Project Company (Layihə Şirkəti) təsis edilib və Layihə üzrə Borcalan qismində çıxış edəcək.
AIIB-nin Ekoloji və Sosial Siyasəti (ESP), o cümlədən Ekoloji və Sosial Standartlar (ESS) və Ekoloji və Sosial İstisnalar Siyahısı (ESEL) Layihəyə tətbiq edilir.
