Sumqayıt Dövlət Universitetində (SDU) "AZROKSAN" MMC-nin nümayəndələri ilə görüş keçirilib.
Sumqayit24.az xəbər verir ki, görüşdə SDU-nun rektoru, professor Nurəli Yusifbəyli, "AZROKSAN" MMC-nin icraçı direktoru Mehmet Ali Tahancalio və hər iki qurumun nümayəndələri iştirak ediblər.
Görüş çərçivəsində SDU ilə "AZROKSAN" MMC arasında Anlaşma Memorandumu imzalanıb. Sənədi SDU-nun rektoru, professor Nurəli Yusifbəyli və "AZROKSAN" MMC-nin icraçı direktoru Mehmet Ali Tahancalio imzalayıblar.
Memorandum tərəflər arasında təcrübə və ekspert mübadiləsinin aparılmasını, birgə təhsil və inkişaf təşəbbüslərinin həyata keçirilməsini, tələbələrin müəssisənin fəaliyyət istiqamətləri üzrə praktiki təcrübə qazanmasını, eləcə də universitet və sənaye nümayəndələrinin birgə tədbirlərdə iştirakını nəzərdə tutur.
