Sərvər Bəşirli yeni avtomobildən imtina edib. Sumqayıt24 bu haqda fevralın 13-də Bakuplus.az-a istinadən xəbər verir.
Ötən həftə Türkiyəyə yorğan, döşək və digər humanitar yardımları köhnə qırmızı avtomobilində aparan Ceyranbatan qəsəbə sakini sosial şəbəkələrdə məşhurlaşandan sonra televiziyaya dəvət olunub. Tarix Əliyev (Tolik) aparıcısı olduğu “Ümid ilə gəl” verilişində Rusiyada yaşayan azərbaycanlı iş adamının Sərvərə yeni avtomobil hədiyyə edəcəyini açıqlayıb. Maşının açarları ona bu gün təqdim olunacaqdı.
Lakin aparıcı bildirib ki, Bəşirlinin valideynləri avtomobil istəmədiklərini deyiblər. Ondan övladlarının mənzili olmadığı üçün həmin pulu ev tikmək üçün köçürmələrini istəyiblər.
Nəticədə Tarix Əliyev Sərvər Bəşirliyə 10.000 manatı efirdə təqdim edib və qeyd edib ki, ev tikildikdən sonra ona mebellə təminatda köməklik göstərəcək.
