"Stansiya Sumqayıt" kimi tanınan əraziyə gedən yolda sürücülər ciddi problemlə üzləşirlər.
Sumqayit24.az-ın əldə etdiyi məlumata görə, Şəfəq qəsəbəsinin yolu çökəklərdən ibarətdir.
Bu cür vəziyyət həm nəqliyyat vasitələrinin hərəkətində ciddi problem yaradır, həm də onlara maddi ziyan vurur.
"Yoldakı acınacaqlı vəziyyət səbəbindən hər gün ən azı 5-10 avtomobil sıradan çıxır. Bu videoda da 7 avtomobil yolun sağ tərəfində təkərləri zədələnmiş vəziyyətdə qalıb", - deyə sürücülərdən biri bildirib.
Vətəndaşlar aidiyyəti qurumlardan sözügedən problemin aradan qaldırılmasını tələb edirlər.
