STP Şirkətlər Qrupu Finlandiyanın işıqlandırma həlləri üzrə aparıcı təchizatçısı olan Greenled şirkəti ilə strateji tərəfdaşlığa start verib.
Sumqayit24.az xəbər verir ki, bu tərəfdaşlıq çərçivəsində STP Şirkətlər Qrupunun tərkibində fəaliyyət göstərən STP Polymer şirkətində Greenled tərəfindən istehsal olunan enerjiyə qənaət edən işıqlandırıcılar quraşdırılıb. Bu da öz növbəsində ənənəvi işıqlandırma ilə müqayisədə elektrik enerjisinin istehlakını ən azı 80% azaltmağa imkan yaradacaq.
Qeyd edək ki, bu layihə STP Şirkətlər Qrupunun (ətraf mühit, sosial və idarəetmə) siyasətinin həyata keçirilməsində atılmış mühüm addımdır.
