Təyyarə qəzasından sağ çıxan stüardessa Aydan Rəhimlinin vəziyyəti yaxşıdır.
Bu barədə Lent.az-a Aydan Rəhimlinin anası Ülviyyə xanım məlumat verib. Onun sözlərinə görə, qızı bu gün Bakıya gətiriləcək:
"Məni hava limanına dəvət etdilər. Hazırda ora gedirəm. Qızımın vəziyyəti yaxşıdır".
Ülviyyə xanım onu da qeyd edib ki, Aydan bir ildir stüardessa işləyib:
"Bir il idi bu işə keçmişdi. İşini çox sevirdi. Qismət, Allah hamının köməyi olsun".
Qeyd edək ki, stüardessa Aydan Rəhimli Zaqataladandır.
