Sumqayıt şəhərində yerləşən 1 saylı yataqxana baxımsız vəziyyətdədir. Bu barədə APA TV məlumat yayıb.
1950-ci ildə inşa olunan yataqxana şəhərin 29-cu məhəlləsində yerləşir. Burada 85 ailə yaşayır. Sakinlərin sözlərinə görə, binada yaşamaq təhlükəlidir. Hətta bina sakinlərindən biri xəsarət alıb, onun başına beton qırıntısı düşüb.
"Bina tökülüb gedir, çox bərbad vəziyyətdədir. Bizim yaşamağımız çətindir. Divarlarımızın hamısı uçulub gedir. Çöl hissədir, içəri hissədir, hamısı bərbad vəziyyətdədir"-deyə sakin bildirdi.
"Fövqəladə Hallar Nazirliyi binaya baxış keçirib və müvafiq qərar aidiyyəti qurumlara göndərilib. Yaxın vaxtlarda binanın taleyi ilə bağlı yekun qərar veriləcək", -Sumqayıt şəhər İcra Hakimiyyətinin rəsmiləri bildirib.
Həmçinin, Sumqayıtda 41-ci məhəllədə yerləşən 4 nömrəli yataqxananın təmirə ehtiyacı var.
