Operativ Qərargahın qəbul etdiyi qərara əsasən, 1 oktyabr tarixindən etibarən Sumqayıt, Bakı və Abşeron rayonu arası müntəzəm sərnişin daşınması istisna olmaqla, ölkənin digər regionlarından dəmir yolu və ya avtomobil nəqliyyatı ilə müntəzəm sərnişin daşımaları zamanı vətəndaşlardan Covid pasport və ya immunitet sertifikatı tələb olunacaq.
Belə ki, yaşı 18-dən yuxarı olan sərnişinlərdən 1 oktyabr tarixindən etibarən COVID-19-a qarşı birinci doza, 1 noyabr tarixindən etibarən isə ikinci doza peyvəndin olması vacib olacaq.
Report-a Dövlət Avtomobil Nəqliyyatı Xidmətindən verilən məlumata əsasən, sərnişinlər sadalanan sənədləri Avtovağzalın kassalarında bilet alarkən təqdim etməli olacaqlar. Əlavə olaraq, birdən artıq bilet əldə etmək istəyən şəxs hər bilet üzrə lazımi sənədləri göstərməli olacaq. Daha sonra, sərnişinlər avtobuslara minən zaman da həmin sənədlər təkrar olaraq yoxlanılacaqlar.
