Sumqayıtda avtobuslardakı şəraitsizlik sərnişinlərin narazılığına səbəb olub.
Sumqayit24.az -a daxil olan məlumata görə, 9 saylı avtobuslarda kondisioner problemi hələ də davam etməkdədir.
Vətəndaşların sözlərinə əsasən, kondisioner müəyyən vaxt ərzində işləyir.
“Belə ki, bu qurğular yalnız çəkiliş zamanı işləyir, çəkiliş bitdikdən sonra söndürülür və pəncərələr açılır”, - deyə sakinlər narazılıqlarını bildiriblər.
Bundan əlavə, nəqliyyat vasitəsindəki antisanitar vəziyyət də sakinləri narahat edir:
“Avtobusların təmizliyinə gündəlik nəzarət edilmir. Belə şəraitsizlikdə səfər etmək bizim üçün çox çətindir”.
Onu da əlavə edək ki, arxa qapılar nasaz olduğu üçün, düşərkən gərək ön qapıdan istifadə edəsən. Bu da avtobusun arxa hissəsində olan sərnişinlər üçün əlavə çətinlik yaradır.
Vətəndaşlar aidiyyəti qurumlardan məsələ ilə bağlı təcili tədbir görülməsini tələb edirlər.
