Sumqayıt avtovağzalının düz qarşısında və ona bitişik ərazidə fəaliyyət göstərən pivəxana narazılığa səbəb olub.
Sumqayit24.az-a müraciət edən şikayətçinin sözlərinə görə, pivəxananın stol-stulları avtovağzala daxil olmaq və oradan çıxmaq üçün sərnişinlərin istifadə etdiyi keçidlərdən birinə düzülüb. Nəticədə səhərdən axşama qədər həmin ərazidə oturan şəxslər piyadaların hərəkətinə maneə yaradır.
Şikayətçi xüsusilə xanım piyadaların vəziyyətdən narahat olduqlarını bildirib:
"Kişilər üçün çox da fərq etmir, amma gənc qızların, xanımların bir qrup kişinin arasından keçib getməsi yolverilməzdir".
Məsələ yalnız piyadaların keçidinə yaradılan narahatlıqla da bitmir. Şəhərin əsas nəqliyyat qovşaqlarından biri olan avtovağzalın giriş-çıxışına bitişik ərazidə alkoqollu içki satışı və istehlakı üçün belə bir məkanın yaradılması da ictimai müzakirə doğurur.
