Xəbər verdiyimiz kimi, Sumqayıt bulvarında yaşıllıqlarla bağlı yaranmış vəziyyət ciddi narahatlıq doğurub.
Belə ki, vətəndaşların iddiasına görə, bulvar ərazisində ağaclar məhv edilib, əraziyə isə texnika cəlb olunub.
Məsələ ilə bağlı sorğumuza cavab olaraq Sumqayıt Şəhər İcra Hakimiyyətindən bildirilib ki, Sumqayıt șəhərində həyata keçirilən tikinti işləri təsdiq olunmuş şəhərin baş planına uyğun olaraq, şəhərsalma və memarlıq qaydalarına tam riayət edilməklə aparılır:
"Bütün layihələr aidiyyəti dövlət qurumları ilə razılaşdırılmış qaydada icra olunur və tikinti prosesində mövcud qanunvericiliyin tələbləri
əsas götürülür. Ərazidə hər hansı ağacın kəsilməsi faktı qeydə alınmayıb. Əksinə, bulvar ərazisində
yaşıllıqların qorunması və artırılması daim diqqətmərkəzində saxlanılır".
***
Sumqayıt bulvarında yaşıllıqlarla bağlı yaranmış vəziyyət ciddi narahatlıq doğurur.
Sumqayit24.az -a müraciət edən vətəndaşların iddiasına görə, bulvar ərazisində ağaclar məhv edilib, əraziyə isə texnika cəlb olunub.
Görüntüyə əsasən demək olar ki, sözügedən yer hasarlanıb və burada müəyyən qazıntı işləri həyata keçirilib. Bu isə yerli sakinlər arasında əlavə suallar və narahatlıq yaradıb.
Şikayətçilər aidiyyəti qurumlardan əraziyə baxış keçirilməsini və məsələnin araşdırılmasını tələb edirlər.
Qeyd edək ki, məsələ ilə bağlı aidiyyəti quruma sorğu ünvanlanıb.
