Sumqayıtın məktəblərində dünya şöhrətli alim Lütfi Ələsgərzadəyə (Lütfi Zadə) həsr olunmuş tədbirlər keçirilib. Bu haqda Sumqayıt24 şəhər Təhsil Şöbəsinin rəsmi saytına istinadən xəbər verir.
Lütfi Zadənin 100 illiyinə həsr edilmiş tədbirlər, açıq dərslər, dəyirmi masalar zamanı şagirdlər dahi şəxsiyyətin həyat və yaradıcılığı barədə məlumatlandırılıblar. Həmçinin onlara, Lütfi Zadəyə aid və dünya elmində bir ilk sayılan qeyri səlis məntiq nəzəriyyəsi haqda danışılıb.
Bundan əlavə, 36 nömrəli məktəbdə 5-ci sinif şagirdləri arasında yubileyə həsr olunmuş bilik yarışı keçirilib. Burada məktəblilər riyaziyyat-məntiqə aid 30 sualı cavablandırıb. Sonda isə, ilk üç pilləni tutan yarış iştirakçılarına sertifikatlar təqdim olunub.
Lütfi Zadə 1921-ci ildə Novxanı kəndində dünyaya gəlmişdir. O, uzun illər Kaliforniya Berkli Universitetində (ABŞ) çalışıb. Təkcə 1990–2000-ci illərdə onun əsərlərinə 36 mindən çox istinad edilmişdir. Həmçinin, Berkli şəhərində ona həsr edilmiş "İnformasiya Texnologiyaları üzrə Zadə İnstitutu" yaradılmışdır.
Lütfi Ələsgərzadə 2017-ci ildə, 96 yaşında Kaliforniyada vəfat edib və Bakının “Fəxri xiyaban”ında dəfn olunub.
Foto Sumqayıt Təhsil Şöbəsi
