Sumqayıt Dövlət Universitetində (SDU) Xalq yazıçısı Əzizə Cəfərzadənin 100 illiyinə həsr olunmuş konfrans keçirilib. Bu haqda Sumqayıt24 universitetin rəsmi saytına istinadən yazır.
"Ustad yazıçı – görkəmli folklorşünas” adlı həmin konfransda yazıçının oğlu Turan İbrahimov, yazıçı-ssenarist Hafiz Ataxanlı, Yazıçılar Birliyinin Sumqayıt bölməsinin sədri, professor-müəllim heyəti və tələbələr, həmçinin şəhərin Mərkəzi Kitabxanasının əməkdaşları iştirak ediblər.
Burada çıxış edən qonaqlar Əzizə Cəfərzadənin yaradıcılığından söz açıblar, onunla bağlı xatirələrini bölüşüblər. Daha sonra, yazıçının həyat və yaradıcılığını əks etdirən fotoşəkillərdən ibarət slayd izlənilib.
Sonda isə, Turan İbrahimov yazıçının bir çox kitabını, eləcə də yeni nəşr olunan "Seçilmiş əsərləri”ndən ilk 12 cildi universitetin Elmi kitabxanasına hədiyyə edib.
