“Moşu” obrazı ilə hər kəsin sevimlisinə çevrilən Valeh Kərimov işsiz qalıb. Sumqayıt24 bu haqda 24 noyabr tarixində Xezerxeber.az-a istinadən xəbər verir.
Xalq artisti yaşına görə sevimli sənətindən uzaqlaşdırılıb, lakin bunu qəbul edə bilmir və incik düşüb. Valeh Kərimov hələ də işləmək imkanının olduğunu deyir:
“8 ildir ki, teatrdan təqaüdə çıxarıblar məni. Soruşan olmadı, elə teatrın direktoru mənə dedi ki, Valeh müəllim, yanvarın 1-dən daha siz işə gəlməyin. Çünki yaşınız tamam oldu, sizi azad edirik. O qədər 70 yaşında hər yerdə işləyənlər var ki… Nə bilim, biri də mən olardım da… Dilim işləyir, ayağım, əlim işləyir, gözüm görür, ağlım da kəsir, daha nə lazımdır? İncimişəm də, nə bilim. Bu sənətə girdinsə, ayrıla bilmirsən. Məni də ayırdılar güclə…”
Sumqayıt Dövlət Dram Teatrının direktor müavini Vidadi Məmmədov bildirib ki, Valeh Kərimov ancaq müqavilə əsasında hər hansı bir rolu canlandıra və daxili imkanlar hesabına vəsait ala bilər.
