Bu gün Sumqayıt Dövlət Dram Teatrının direktoru Samir Şəfiyevin doğum günüdür.
Samir Nizaməddin oğlu Şəfiyev 1981-ci il sentyabrın 7-də Sumqayıt şəhərində anadan olub. O, 2003-cü ildə Azərbaycan Dövlət İncəsənət Universitetinin Rejissorluq fakültəsini bitirib. Bir çox görkəmli sənətkarlardan, o cümlədən mərhum teatr rejissoru, Azərbaycanın Xalq artisti Azərpaşa Nemətovdan dərs alıb.
S.Şəfiyev 2006-2009-cu illərdə Sumqayıt Dövlət Dram Teatrında rejissor assistenti, daha sonra rejissor vəzifələrində çalışaraq, bir neçə tamaşanın rejissoru və quruluşçu rejissoru kimi fəaliyyət göstərib.
Sumqayıt şəhərində təşkil olunan bir sıra mədəni-kütləvi tədbirlərin ssenari müəllifi və rejissoru kimi fəaliyyət göstərib.
Çalışdığı illər ərzində səmərəli fəaliyyətinə görə Mədəniyyət Nazirliyi və Sumqayıt Şəhər İcra Hakimiyyəti tərəfindən dəfələrlə təşəkkürnamə və Fəxri fərmanlarla təltif olunub.
Samir mərhum kinoaktyor, Əməkdar artist Səyavuş Şəfiyevin və Əməkdar mədəniyyət işçisi, mərhum Gülçöhrə Şəfiyevanın nəslindəndir.
