Sumqayıtda maraqlı və maarifləndirici festival keçiriləcək.
Sumqayit24.az xəbər verir ki, Azərbaycan Respublikasının Gənclər Fondunun maliyyə dəstəyi və "3sual" intellektual oyunlar platformasının tərəfdaşlığı ilə "Konstitusiya və Suverenlik İli"nə həsr olunmuş Gənclərin İntellekt Festivalı layihəsinə start verilir.
Proqram çərçivəsində "Nə? Harada? Nə zaman?" intellektual oyunu formatında seçim və final mərhələləri keçiriləcək.
Festivalın ilk seçim mərhələsi 10 yanvar tarixində saat 12:00-da təşkil olunacaq. Turnirdə komandalar 4–6 nəfərdən ibarət olacaq və iştirak tam ödənişsizdir.
Son qeydiyyat tarixi 8 yanvar saat 10:00-dır. Seçim oyunlarının keçiriləcəyi məkanlarla bağlı məlumat qeydiyyatdan keçmiş komandaların kapitanlarına təqdim olunacaq.
Qeyd edək ki, layihə Azərbaycan Respublikasının Gənclər Fondunun "Konstitusiya və Suverenlik İli"nə həsr olunmuş qrant müsabiqəsinin qalibidir. Layihənin rəhbəri və redaktoru Əhməd Əliyevdir.
Qeydiyyat linki: https://lnkd.in/dRNBPvmz.
