Sumqayıtda “Məişət zorakılığına qarşı mübarizə” mövzusunda tədbir keçirilib. Bu haqda 22 iyun tarixində Sumqayıt24 Gənclər və İdman Baş İdarəsinə istinadən məlumat verir.
Sumqayıt Şəhər İcra Hakimiyyətinin təşkilatçılığı ilə baş tutan tədbirdə diqqətə çatdırılıb ki, erkən nikah, məişət zorakılığı və insan alveri bəşəriyyətin ən böyük problemlərindəndir. Məişət zorakılığının qarşısının alınması insanların təhlükəsizliyinin təmin olunmasında böyük əhəmiyyət kəsb edir.
Tədbirin məqsədi ölkəmizdə məişət zorakılığına qarşı mübarizə, zorakılığın səbəb olduğu mənfi hüquqi və sosial nəticələrin qarşısının alınması istiqamətində cəmiyyəti maarifləndirməkdir.
