G
Xəbərlərimizi Google-da izləyin
Yeniliklərdən dərhal xəbərdar olun
Abunə ol
“Azəristiliktəchizat” Açıq Səhmdar Cəmiyyəti (ASC) Sumqayıt İstilik Sistemləri İstismarı Sahəsi üzrə 2024-2025-ci illər payız-qış mövsümünə hazırlıq ilə bağlı təmir-bərpa işlərini yerinə yetirib.
Qurumdan Sumqayit24.az-a verilənməlumata görə, görülən işlər çərçivəsində:
- 700 metr müxtəlif diametrli məhəllədaxili istilik xəttləri yenisi ilə əvəz olunub;
- 7 ədəd qazanlarda cari təmir işləri aparılıb;
- 26 qazanxanalarda yerüstü və yeraltı tüstü yolları təmizlənib, təmir və təftiş olunub;
- Ehtiyyat su çənləri çöküntülərdən təmizlənib;
- 200 ədəd müxtəlif markalı elektrik mühərriki və nasos təmir və təftiş edilib;
- 210 ədəd manometr və termometrlər yoxlanışdan keçib və kalibrlənib;
- 715 ədəd müxtəlif diametrli siyirtmələr təmir və təftiş olunub;
- Qazanxanaların təhlükəsiz işləməsi məqsədilə 119 ədəd müxtəlif diametrli qoruyucu klapanlar, 140 ədəd əks klapanlar, 29 ədəd qazkəsici klapanlar yoxlamadan keçirilib, təmir və təftiş olunub;
- H.Z. Tağıyev qəsəbəsində yeni elektrik kabel xətti çəkilib.
Bundan əlavə, istiliklə təmin olunan bütün məhəllə və mikrorayonlarda 230 istilik kamerası təmizlənib və təmir olunub. Görülən işlərdən sonra ümumi olaraq 43679 metr istilik xətti hidravlik sınaqdan keçirilib.
Qeyd olunan işlərin nəticəsində Sumqayıt istilik sistemləri istismar sahəsinin balansında olan 26 qazanxana noyabrın 15-dən işə qoşulmaq üçün tam hazırdır.
Mövsüm ərzində 287 yaşayış binası, 11812 mənzil, 31 orta məktəb, 17 səhiyyə obyekti və 20-dən çox digər sosial və təsərrüfat obyektləri fasiləsiz istiliklə təmin ediləcəkdir.
