Sumqayıt Kimya Sənayə Parkı yeni rekorda imza atıb. Bu haqda şirkətin saytına istinadən xəbər veririk.
Belə ki, Sənəyə Parkı fəaliyyət göstərdiyi 2011-2020-ci illər ərzində ümumilikdə 2,5 milyard manatlıq, cari 2021-ci ilin təkcə 11 ayında isə 1,9 milyardlıq məhsul istehsal edib. Həmçinin, 9 il ərzində şirkət 764 milyon manatlıq məhsul ixrac etsə də, təkcə bu ilin 11 ayında eyni miqdarda ixrac edib.
Hazırda Parkda azot gübrəsi, polimerlər, ferroərintilər, tütün məmulatları, aqrokimyəvi məhsullar, sənaye istifadəsi üçün torbalar, tibbi maskalar, şüşə lövhələr və digər yeni məhsullar istehsal edilir. Bu məhsullar “Made in Azerbaijan” brendi altında dünyanın 30-dan çox ölkəsinə ixrac edilir.
