Xızıda “Gənclik Kuboku" adlı Xəmsə formatında bilik yarışının regional final oyunu təşkil edilib.
“Sumqayıt24” xəbər verir ki, yarış Gənclər və İdman Nazirliyinin yaradılmasının 30 illik yubileyinə həsr edilib. İştirakçılar öncə Heydər Əliyev Mərkəzində onun həyat və fəaliyyətini əks etdirən eksponatlarla tanış olublar.
Gərgin və maraqlı keçən bilik yarışında Sumqayıt şəhərinin "Delta" komandası I yerə, Abşeron rayonunun "Xırdalan-2" komandası - II yerə, Xızı rayonunun "Milan" komandası isə III yerə layiq görülüb.
Qalib komandalar Abşeron-Xızı Regional İdarə tərəfindən medal və diplomları ilə təltif edilib.
