Yenilənib saat: 18:05
AYNA-nın mətbuat katibi Tural Orucov Sumqayit24.az-a məsələ ilə bağlı açıqlama verib:
“Ölkədaxili müntəzəm şəhərlərarsı və qəsəbələrarası avtobus marşrutlarında sərnişindaşıma xidmətlərinin tariflərinin yuxarı həddinin təsdiq edilməsi haqqında 30 iyun 2024-cü il tarixli qərara əsasən, Sumqayıt-Saray-Bakı istiqaməti üzrə hərəkət edən 503 nömrəli marşrut xətti üzrə gediş haqqı 70 qəpik təşkil edir.
Daşıyıcıya sürücülərin qiymət intizamına ciddi riayət etmələri barədə tapşırıq verilib”.
***
Saat 15:46
503 saylı avtobus sürücülərinin özbaşınalığı davam edir.
Sumqayit24.az daha əvvəl də, Bakı-Sumqayıt marşrutu ilə hərəkət edən bu marşrutda rəsmi gediş haqqının 0.70 AZN olduğu halda, sərnişinlərdən əlavə olaraq 10 qəpiyin alındığı barədə xəbər paylaşıb.
Lakin Azərbaycan Yerüstü Nəqliyyat Agentliyindən (AYNA) şikayətçilərə dəfələrlə sənədli formada marşrutun istismarçısına tapşırıqların verildiyi, redaksiyamıza isə araşdırmanın aparılacağı bildirilsə də vəziyyət dəyişməz qalıb.
Sakinlərin sözlərinə görə, sürücülər onlara heç bir tapşırığın verilmədiyini deyirlər:
“Bilmirik sürücülərə inanaq, yoxsa AYNA-ya. Hər iki halda olan sadə vətəndaşlara olur”.
Məsələ ilə bağlı AYNA-nın mətbuat xidmətinə sorğu ünvanlasaq da, müraciətimiz cavabsız qaldı.
