Sumqayıt Şəhər İcra Hakimiyyətinin sabiq əməkdaşı həbs olunub.
Teleqraf.com-un məlumatına görə, söhbət qurumda Gənclər üzrə iş şöbəsində aparıcı məsləhətçi işləmiş 1990-cı il təvəllüdlü Məmməd Həsənovdan gedir.
Bir müddət əvvəl vəzifəsindən uzaqlaşdırılan M.Həsənov Cinayət Məcəlləsinin 178-ci maddəsi ilə dələduzluqda ittiham olunub. O, Suraxanı Rayon Məhkəməsinin hökmü ilə 2 il müddətinə azadlıqdan məhrum edilib və məhkəmə zalındaca qandallanıb.
Araşdırmalarla müəyyən edilib ki, M.Həsənov icra hakimiyyətindəki vəzifəsindən kənarlaşdırıldıqdan sonra ayrı-ayrı şirkətlərdə çalışıb. Habil İsmayılov adlı şəxsi aldadaraq, sosial mənzil almağı təşkil edəcəyi vədi ilə ondan 8600 manat pul alıb. O, pulları internet oyunlarına xərcləyib.
H.İsmayılovun şikayətindən sonra M.Həsənov haqqında cinayət işi açılıb.
