Çin Xalq Respublikasının Heksi Universitetinin nümayəndə heyəti Sumqayıt Dövlət Universitetinə (SDU) işgüzar səfər edib.
Sumqayit24.az xəbər verir ki, SDU-nun rektoru Rüfət Əzizov ölkənin böyük sənaye şəhəri olan Sumqayıtın inkişafından, şəhərin yeganə ali təhsil müəssisəsi olan Sumqayıt Dövlət Universitetinin fəaliyyəti, missiyası, strategiyası, strateji istiqamətləri və hədəflərindən danışıb.
Heksi Universitetinin vitse-prezidenti, professor Gao Rong Azərbaycanla Çin arasında olan dostluq, ikitərəfli əməkdaşlıq əlaqələrindən söz açıb. Sumqayıt və Heksi Universitetləri arasında qarşılıqlı mübadilə imkanlarından məmnunluğunu ifadə edib. O, Heksi Universitetinin tarixi və beynəlxalq əlaqələrindəb danışıb, həmçinin dünyanın müxtəlif təhsil və elm ocaqları ilə birlikdə həyata keçirilən layihələrdən söz açıb.
Görüşdə qarşılıqlı maraq doğuran, faydalı əməkdaşlığın yaradılması barədə geniş fikir mübadiləsi aparılıb. Tələbə-müəllim mübadiləsi, birgə elmi tədqiqat məsələləri müzakirə edilib. Daha sonra qonaqlar universitetin kampusu ilə tanış olublar.
