1 saylı Sumqayıt şəhər xəstəxanasından növbəti şikayət var.
Sumqayit24.az-a daxil olan məlumata görə, tibb ocağının həyətində bitən və aşmaq üzrə olan irigövdəli ağac sakinlərə təhlükə saçır. Lakin onu aradan götürmək əvəzinə məsul şəxslər “maraqlı” yola əl atıblar.
Xəstəxana tərəfindən kağızın üzərinə “Ehtiyatlı olun! AĞACIN AŞMA TƏHLÜKƏSİ VAR" yazılaraq ağaca yapışdırılıb. Bununla da məsul şəxslər üzərlərinə düşən işin "öhdəsindən gəliblər". Nəzərə almaq lazımdır ki, ağac olan ərazi xəstəxananın gözləmə yeridir. Bura daim izdihamlıdır və yaşından, cinsindən asılı olmayaraq hər kəsin keçdiyi yerdir. Belə laqeyd yanaşmaq olmaz, ağac kiminsə üstünə düşsə, buna görə kim cavab verəcək?”, - deyə şikayətçi bildirib.
Xatırladaq ki, 1 saylı xəstəxananın bərbad yolları barədə də paylaşım etmişdik.
