Sumqayıtda 31 Dekabr – Dünya Azərbaycanlılarının Həmrəyliyi Günü və Yeni il şənliklərinə hazırlıq prosesinə başlanılıb.
Sumqayit24.az xəbər verir ki, hazırda şəhərin Heydər Əliyev parkının qarşısında küknar ağacı bəzədilir. “Göyərçin” abidəsinin yanında artıq bəzəkli şam ağacı qoyulub. İstirahət guşəsindəkı “Yeni İliniz Mübarək” kompozisiyasının quraşdırılması işləri tamamlanmaq üzrədir.
Sumqayıt Dram Teatrının qarşısında bütün hazırlıqlar yekunlaşıb. Parkda küknar ağacı və müxtəlif fiqurlar quraşdırılıb.
Həmçinin şəhərin bir sıra küçələri işıqlı bəzəklərlə bəzədilib.
