Sumqayıtda yaşayış binasının dam örtüyünün bir hissəsinin laxlanması ilə bağlı dövlət qurumunun rəsmi münasibəti açıqlanıb.
Xəbər verdiyimiz kimi, bu hal 9-cu mikrorayonunda yerləşən 72 nömrəli binanın dam örtüyündə müşahidə olunur. Bina sakinləri küləkli havalarda dam örtüyünün həmin hissəsinin tərpənməsindən və qopmasından narahatdırlar.
Məsələ ilə bağlı Sumqayıt şəhər İcra Hakimiyyətindən bildirilib ki, sözügedən binanın dam örtüyü ilə əlaqədar araşdırma aparılıb:
“Araşdırma nəticəsində dam örtüyünün və su ötürücü borunun yerində olduğu təsdiqlənib. Həmçinin, su borusunun altında yerləşən və estetik görünüşü təmin edən plastik materialın qopduğu müəyyən edilib. Bunun isə mənzillərə su sızmasına və ya insanların təhlükəsizliyinə təsir etmədiyi aydın olub”, - İH-nın açıqlamasında qeyd edilib.
