Yenilənib saat: 11:12
Yanvarın 5-i saat 01:50-də Sumqayıt Tibb Mərkəzinin Təcili Tibbi Yardım Xəstəxanasına dörd nəfər (kişi cinsli), Uşaq Xəstəxanasına isə bir nəfər (kişi cinsli) hospitalizasiya olunub.
Bu barədə Oxu.az-a Tibbi Ərazi Bölmələrini İdarəetmə Birliyindən (TƏBİB) məlumat verilib.
Bildirilib ki, dəm qazının toksiki təsiri diaqnozları təyin edilən şəxslərə zəruri tibbi xidmətlər göstərilib, onlar ambulator müalicə üçün evə buraxılıblar.
***
Saat 09:26
Sumqayıtda bir evdə 5 nəfər dəm qazından zəhərlənib.
Sumqayit24.az xəbər verir ki, hadisə Kimyaçılar qəsəbəsində qeydə alınıb. Sumqayıt sakinləri 1969-cu il təvəllüdlü Xankişi Ocaqov, onun oğlu, 1993-cü il təvəllüdlü Murad Ocaqov, 1977-ci il təvəllüdlü Ramil Şirinov, onun oğlu 2012-ci il təvəllüdlü Xəyal Şirinov və 1989-cu il təvəllüdlü Elvin Mirzəyev dəm qazından zəhərləniblər.
Onlar dərhal xəstəxanaya yerləşdiriliblər. Araşdırma aparılır.
