Sumqayıt şəhərinin mərkəzində piyadaların yolu ticarətlə məşğul olan şəxs tərəfindən kəsilib.
Sumqayit24.az-a müraciət edən sakin bildirir ki, "Karvan" Ticarət Mərkəzinin arxa tərəfində onsuz da dar olan səkidə hərəkət tam çətinləşib. Səbəb – zinət əşyaları satan bir alverçinin səkinin ortasına reklam lövhəsi qoyaraq yolun yarısını zəbt etməsidir.
Şikayətçi deyir ki, bu davranış həm insanlar üçün narahatlıq yaradır, həm də açıq-aşkar hörmətsizlikdir:
"Pul qazanırsan, əcəb edirsən, amma camaatın yolunu bağlaya bilməzsən".
