Sumqayıt şəhərində anadan olan polis polkovniki Viktor Baruşev Milli Qvardiyanın rəisi vəzifəsinə təyin edilib. Bu haqda 1 iyul tarixində Sumqayıt24 Lent.az-a istinadən məlumat verir.
Viktor Baruşev Nenets Muxtar Dairəsi üzrə Milli Qvardiyanın Baş İdarəsinin rəisi vəzifəsini icra edəcək. Yeni təyin olunmuş rəis artıq Naryan-Mar şəhərinə gəlib və şəxsi heyətə təqdim olunub.
Qeyd edək ki, Viktor Vasilyeviç Baruşev 1966-cı il dekabrın 29-da Azərbaycan SSR-nin Sumqayıt şəhərində anadan olub. O, 2005-ci ildə təltif edilmiş polis polkovniki xüsusi rütbəsinə malikdir. 2011-ci ildə yenidən attestasiya qaydasında Viktor Baruşevə polis polkovniki xüsusi rütbəsi verilib.
