Sumqayıtda fləşmob təşkil olunub.
Sumqayit24.az xəbər verir ki, Qaçqınların və Məcburi Köçkünlərin İşləri üzrə Dövlət Komitəsinin keçirdiyi anım tədbirində Sumqayıt şəhərində müvəqqəti məskunlaşmış 100 nəfərdən artıq məcburi köçkün iştirak edib. Fləşmobda şəhidlərimizin ruhuna ehtiramın və Vətən müharibəsində qazanılan Zəfərin rəmzi olan Xarıbülbül gülünün təsviri yaradılıb.
Məcburi köçkünlərin yeni salınmış yaşayış məntəqələrinə geri qayıdışı üçün məlumatlandırma, təbliğat-izahat və təşviqat işlərinin aparılması çərçivəsində həmin fləşmob haqqında hazırlanmış videoçarxda Prezident, Müzəffər Ali Baş Komandan İlham Əliyevin rəşadətli Ordumuz, qəhrəman əsgər və zabitlərimiz, ölkəmizin ərazi bütövlüyünün və dövlət suverenliyinin bərpası uğrunda canını qurban verən şəhidlərimiz, xalqımızın qürur mənbəyi olan möhtəşəm Zəfərimiz barədə söylədiyi fikirlər yer alıb.
[video width="1280" height="720" mp4="https://sumqayit24.az/storage/photos/2024/09/a3ejtrhf.mp4"][/video]
