Sumqayıtda avtobus sürücülərinin təhlükəli davranışları davam edir.
Sumqayit24.az-a daxil olan növbəti videogörüntü şəhərin Nəriman Nərimanov küçəsində qeydə alınıb. Kadrlarda 7A nömrəli marşrut avtobusunun sürücüsünün yolda ziqzaqvari manevrlər etdiyi, digər avtomobillərin hərəkətinə ciddi maneələr yaratdığı görünür. Bu cür idarəetmə tərzi həm sərnişinlər, həm də digər yol hərəkəti iştirakçıları üçün təhlükə yaradır.
Məsələni daha da narahatedici edən məqam isə bu kimi halların ilk dəfə baş verməməsidir. Xatırladaq ki, daha əvvəl 9A nömrəli marşrut avtobusunun sürücüsü əks istiqamətli zolağa çıxaraq qaydaları kobud şəkildə pozduğuna görə İnzibati Xətalar Məcəlləsinə əsasən cərimələnib. Lakin görünən odur ki, bəzi sürücülərə tətbiq olunan tədbirlər yetərli təsir göstərmir.
