Sumqayıt ərazisində 9A nömrəli marşrut avtobusu sürücüsünün nəqliyyat vasitəsini əks istiqamətli hərəkət zolağına çıxararaq idarə etməsi ilə bağlı fakt araşdırılıb.
Sumqayit24.az xəbər verir ki, araşdırma zamanı avtobusun sürücüsü M.Qasımov polis əməkdaşları tərəfindən müəyyən edilib. Onunla profilaktik söhbət aparılıb, yol hərəkəti qaydaları və mövcud qanunvericiliyin tələbləri bir daha diqqətinə çatdırılıb. Faktla bağlı sürücü barəsində İnzibati Xətalar Məcəlləsinin müvafiq maddəsinə əsasən protokol tərtib olunub.
